Prezidentin Mətbuat Xidmətinin Məlumatı
Martın 5-də Azərbaycan Respublikasının Prezidenti İlham Əliyev Rusiya Federasiyasının Baş naziri Vladimir Putinə telefonla zəng etmişdir.
Dövlətimizin başçısı Vladimir Putini seçkilərdə inamlı qələbə qazanması münasibətilə təbrik etmiş, ona prezidentlik fəaliyyətində uğurlar arzulamışdır.
Vladimir Putin təbrikə və diqqətə görə Prezident İlham Əliyevə minnətdarlığını bildirmişdir.
Telefon söhbəti zamanı Azərbaycan Respublikası ilə Rusiya Federasiyası arasında münasibətlərin müxtəlif sahələrdə uğurlu inkişafından məmnunluq ifadə edilmiş, əlaqələrimizin bundan sonra daha da möhkəmlənəcəyinə əminlik bildirilmişdir.
Prezident İlham Əliyev Vladimir Putini onun üçün münasib bir vaxtda Azərbaycana səfərə dəvət etmişdir.
Bölmənin digər xəbərləri
