Prezidentin tövsiyələrinə uyğun olaraq prokurorluqda islahatlara start verilib
Bakı, 15 may, AZƏRTAC
Bir neçə rayonun prokuroru işdən çıxarılıb.
AZƏRTAC xəbər verir ki, Baş prokuror Kamran Əliyev bununla bağlı müvafiq əmr imzalayıb. Əmrə əsasən, Xətai rayon prokuroru Yusif İldırımzadə, Sabunçu rayon prokuroru Ceyhun Şirinov, Nəsimi rayon prokuroru Salman Məmmədli, Qəbələ rayon prokuroru Məqsəd Orucov, Yevlax rayon prokuroru Elxan Pənahov tutduqları vəzifədən azad ediliblər.
K.Əliyevin digər əmri ilə Baş Prokurorluğun Maddi-texniki təminat şöbəsinin rəisi Niyaz Məmişov da işdən çıxarılıb.
Baş Prokurorluğun mətbuat xidmətinin rəhbəri Eldar Sultanov AZƏRTAC-ın sorğusuna cavabında faktı təsdiqləyib. O qeyd edib ki, “Prokurorluq orqanlarında qulluq keçmə haqqında” Azərbaycan Respublikası Qanununa müvafiq olaraq prokurorluqda qulluqda olmanın yaş həddinə çatdıqlarına görə həmin şəxslərin Baş prokuror Kamran Əliyevin imzaladığı əmrlərlə tutduqları vəzifədən azad edilməklə prokurorluq orqanlarında qulluq keçmələrinə xitam verilib.
E.Sultanov, həmçinin bildirib ki, Baş prokuror K.Əliyevin imzaladığı digər əmrlə Ağstafa rayon prokuroru Aslan Surxayev isə tutduğu vəzifədən azad olunub.
Qeyd edək ki, Baş prokuror Kamran Əliyevi videokonfrans formatında qəbul edən Prezident İlham Əliyev prokurorluq orqanlarına islahatların aparılmasına dair öz tövsiyələrini verib.
Bölmənin digər xəbərləri
