PROQRAMI HƏYATA KEÇİRMƏK YOLLARI MÜƏYYƏN EDİLMİŞDİR

27.03.2006 [04:15]
Çap et
A⁺ A^-

“Azəriqaz” Səhmdar Cəmiyyətindən AZƏRTAC-a bildirmişlər ki, Bakının ətraf qəsəbələrindəki əhalinin qazla təminatını yaxşılaşdırmaq üçün 350 kilometr uzunluğunda müxtəlif diametrli borular cəkmək və yeni qazpaylayıcı stansiya, qaztənzimləyici məntəqələr inşa etmək nəzərdə tutulmuşdur.

Layihə 2006-cı və 2007-ci illərdə iki mərhələdə həyata keçiriləcək və 19 kəndi, 12 qəsəbəni əhatə edəcəkdir. Layihə üzrə 37 kilometrlik magistral qaz kəməri çəkmək, kəmərin 33 kilometrlik hissəsini qoruq zonasından çıxarmaq, yeni yaşayış massivlərinin qazla təchizatı üçün infrastruktur yaratmaqdan ötrü 29 kilometrlik, habelə 165 kilometrlik əlavə kəmərlər çəkmək, 87 kilometrlik mövcud kəmərlərin əsaslı təmirini təmin etmək, yeni qazpaylayıcı stansiya, 2 qaztənzimləyici məntəqə tikmək, 2 qazpaylayıcı stansiyanı yenidən qurmaq planlaşdırılır.

Görülən tədbirlər sayəsində 225 minədək abunəçinin qazla təminatı yaxşılaşacaqdır.