QABAQTƏPƏ ARI CİNSİ YETİŞDİRİLMƏSİNƏ BAŞLANILMIŞDIR

05.10.2005 [01:55]
Çap et
A⁺ A^-

AZƏRTAC xəbər verir ki, ölkəmizdə Avropa Komissiyasının maliyyələşdirdiyi “Damazlıq arıçılıq təsərrüfatının yaradılması” layihəsi Qafqaz üçün Regional Ekologiya Mərkəzi vasitəsi ilə həyata keçirilir.

Məqsəd dünyada ən məhsuldar və ölkəmizdə kökü kəsilməkdə olan qabaqtəpə arı cinsini artırmaq, habelə arıçılığı rentabelli sahəyə çevirməkdir.

Layihənin direktoru İlqar Quliyev demişdir ki, Qabaqtəpə cinsi çox sakit və sancmaya meyilli olmadığından bu arılarla hər bir adam sərbəst işləyə bilər. Bu cinsdən ekoturizmin inkişafında da istifadə etmək mümkündür.

Layihəni Lənkəran rayonunda gerçəkləşdirən “Bal arısı” Məhdud Məsuliyyətli Cəmiyyəti bu cinsin qorunması üçün 25 kilometr radiusda qoruğun yaradılmasına nail olmuşdur.

Cəmiyyət gələn ilin yaz mövsümündən cins ana arıların satışına başlayacaqdır.