QADIN SƏNƏTKARLARIMIZIN ŞƏXSİ FONDLARI MÜHAFİZƏ OLUNUR
Ədəbiyyat və İncəsənət arxivindən AZƏRTAC-ın müxbirinə bildirmişlər ki, arxiv yarananda ilk pianoçu qadınımız Nəzirə Şahmirzənin sənədləri Tbilisidən Bakıya gətirilmişdir. İlk parodist xanımlarımızdan Şəfiqə Məmmədovanın şəxsi fondu da arxivə qəbul edilmişdir. Xalq şairi Mirvarid Dilbazinin sənədlərinin 80 faizi, xalq yazıçısı Əzizə Cəfərzadənin romanlarının, tədqiqat əsərlərinin əlyazmaları, məktubları şəxsi fonda daxil edilmişdır. Xalq rəssamı Maral Rəhmanzadənin şəxsi fondundakı rəsm əsərlərini xüsusilə qeyd etmək olar. Görkəmli aktrisamız Fatma Qədrinin, əməkdar artistlər Fatma Mehrəliyeva və Ətayə Əliyevanın, xalq artistləri Leyla Bədirbəyli, Nəcibə Məlikova və digər görkəmli sənətkarlarımızın yaradıcılığını əks etdirən sənədlər teatrsevərlər üçün çox maraqlı materiallardır.
Gələcəkdə sənətkar qadınlarımızın şəxsi fondlarındakı nadir, qiymətli sənədlər daha geniş miqyasda təbliğ olunacaq, onların kataloqları tərtib ediləcək və elektron kanalları vasitəsilə dünyanın müxtəlif ölkələrinə çatdırılacaq.
Bölmənin digər xəbərləri
