QADIN XOKKEYÇİLƏRİMİZ BEYNƏLXALQ TURNİRƏ HAZIRDIR
Bu barədə AZƏRTAC-a məlumat verən yığma komandanın baş məşqçisi Adil Paşayev bildirmişdir ki, bir aydan bəri təlim-məşqlər keçən xokkeyçilərimiz yarışlara tam hazırdır. Yığmanın heyətində heç bir problem yoxdur. Bu turnirdən əsas məqsəd yığmamızı dünya çempionatı ərəfəsində sınaqdan çıxarmaqdır.
Turnirdə dünya çempionatının iştirakçıları İtaliya, Azərbaycan və Ukrayna komandaları iki dövrədə dairəvi sistemlə mübarizə aparacaqlar. Ukrayna yığması martın 20-də Bakıya gələrək, təlim-məşq toplanışlarında iştirak edəcək və milli komandamızla bir neçə yoldaşlıq görüşü keçirəcəkdir.
Xatırladaq ki, aprelin 25-dən mayın 5-dək Romada keçiriləcək dünya çempionatının seçmə mərhələsində Azərbaycan yığması “B” qrupunda Yeni Zelandiya, ABŞ, İtaliya, İrlandiya və Koreya xokkeyçiləri ilə qarşılaşacaqdır.
Bölmənin digər xəbərləri
