“QADINLAR AZƏRBAYCANIN MÜSİQİ HƏYATINDA” KİTABININ TƏQDİMATI KEÇİRİLMİŞDİR
Açıq Cəmiyyət İnstitutu- Yardım Fondunun vəsaiti ilə çap olunan kitaba yazılmış giriş sözündə Azərbaycanın qədim və zəngin musiqi həyatında qadınların rolundan ətraflı söz açılır.
Müasir dövrümüzdə “Azərbaycan xalq musiqisi” on cildlik antologiyasının nəşrini maliyyələşdirən, Səadət Abdullayevanın “Azərbaycan xalq çalğı alətləri” kitabının işıq üzü görməsinə sponsorluq edən, və musiqimizin inkişafında əvəzsiz xidmətləri olan “Azərbaycan mədəniyyətinin dostları” fondunun sədri Mehriban xanım Əliyevanın fəaliyyəti xüsusi diqqətə çatdırılır.
Mədəniyyət Nazirliyini, Bakı Musiqi Akademiyasını, Azərbaycan Milli Konservatoriyasını və başqa təşkilatların nümayəndələrinin iştirak etdiyi mərasimi muzeyin direktoru Alla Bayramova açaraq bildirmişdir ki, oxuculara təqdim olunan kitabda ölkəmizin musiqi həyatında iz qoymuş 100-dən artıq qadının yaradıcılığı barədə məlumat verilir. Materiallar fotoşəkillərlə müşayiət olunur. Tədbirdə incəsənət ustalarımız çıxış etmişlər.
Bölmənin digər xəbərləri
