“QADINLAR AZƏRBAYCANIN MUSİQİ HƏYATINDA” KİTABININ TƏQDİMATI KEÇİRİLMİŞDİR

25.10.2004 [13:18]
Çap et
A⁺ A^-

AZƏRTAC xəbər verir ki, Musiqi Mədəniyyəti Dövlət Muzeyində Alla Bayramovanın tərtib etdiyi “Qadınlar Azərbaycanın musiqi həyatında” kitabının təqdimatı olmuşdur.

Açıq Cəmiyyət İnstitutu - Yardım Fondunun vəsaiti ilə çap olunan kitaba yazılmış giriş sözündə Azərbaycanın qədim və zəngin musiqi həyatında qadınların rolundan ətraflı söz açılır, hazırda oncildlik “Azərbaycan xalq musiqisi” antologiyasının nəşrini maliyyələşdirən, Səadət Abdullayevanın “Azərbaycan xalq çalğı alətləri” kitabının nəşrinə sponsorluq edən, musiqimizin təbliğində əvəzsiz xidmətləri olan Azərbaycan Mədəniyyətinin Dostları Fondunun sədri Mehriban xanım Əliyevanın fəaliyyəti xüsusi vurğulanır.

Kitabda ölkəmizin musiqi həyatında iz qoymuş 100-dən artıq qadının yaradıcılığı barədə məlumat verilir.