“QAFQAZ” GİMNAZİYASINDA GÖRÜŞKEÇİRİLMİŞDİR
20 Yanvar faciəsi qurbanlarının xatirəsi bir dəqiqəlik sükutla yad edilmişdir.
Ombudsman Aparatının mətbuat xidmətindən AZƏRTAC-a bildirmişlər ki, E.Süleymanova bu günün xalqımızın tarixində həm kədər, həm də qürurla xatırlandığını söyləmişdir.
Müvəkkil bu müdhiş faciənin bəşər tarixində sovet imperiyasının öz vətəndaşlarına qarşı törətdiyi ən qatı cinayətlərdən biri, misilsiz vəhşilik nümunəsi olduğunu bildirmişdir. O qeyd etmişdir ki, insan hüquq və azadlıqlarının kütləvi şəkildə pozulması ilə nəticələnmiş 20 Yanvar faciəsi XX əsrdə insanlığa qarşı törədilmiş zorakılıq, sözün əsil mənasında, genosid kimi xalqımızın qan yaddaşına əbədi həkk olunmuşdur.
E.Süleymanova uşaqları 20 Yanvar şəhidlərinin amallarını gerçəkləşdirməyə, yaxşı oxumağa, Vətənimizə, xalqımıza layiq övladlar kimi yetişməyə çağırmışdır.
O, həmçinin, müvəkkilin səlahiyyətləri, insan hüquqlarının qorunması istiqamətində fəaliyyəti barədə uşaqlara ətraflı məlumat vermişdir.
Bölmənin digər xəbərləri
