Qafqaz Müsəlmanları İdarəsinin Gürcüstan nümayəndəliyi Xocalı soyqırımı ilə bağlı tədbir keçirmişdir
Tbilisi, 24 fevral (AZƏRTAC). Qafqaz Müsəlmanları İdarəsinin (QMİ) Gürcüstan nümayəndəliyinin təşəbbüsü ilə fevralın 23-də Tbilisidə Xocalı soyqırımının 20-ci ildönümü ilə bağlı tədbir keçirilmişdir.
Mərasim Xocalı şəhidlərinin ruhuna dualar oxunması ilə başlanmışdır. Qafqaz Müsəlmanları İdarəsinin Gürcüstandakı nümayəndəsi Hacı Əli Əliyev iştirakçılara Xocalı soyqırımı barədə ətraflı məlumat vermiş, QMİ-nin sədri, şeyxülislam Allahşükür Paşazadənin müraciətinin mətnini oxumuşdur.
Azərbaycan Respublikasının Gürcüstandakı səfirliyinin məsul əməkdaşı Şövqi Mehdizadə, Gürcüstan parlamentinin deputatı Azər Süleymanov və başqaları ermənilərin bu vəhşiliyini pisləmiş, onların beynəlxalq məhkəmə qarşısında cavab vermələrinin vacibliyini vurğulamışlar.
İslam Əliyev
AZƏRTAC-ın xüsusi müxbiri
Tbilisi
Bölmənin digər xəbərləri
