Qahirədə Misir, Yunanıstan və Kipr liderlərinin üçtərəfli sammiti keçirilib
Qahirə, 8 yanvar, AZƏRTAC
Bu gün Qahirədə Misir Prezidenti Əbdülfəttah əs-Sisi, Yunanıstan Baş naziri Kiriakos Mitsotakis və Kipr Prezidenti Nikos Kristodulides arasında 10-cu üçtərəfli sammit keçirilib.
AZƏRTAC “əl-Əhram” portalına istinadla xəbər verir ki, tərəflər regional təhlükəsizlik, enerji sahəsində əməkdaşlıq məsələlərini, eləcə də Kipr qazının Misirin LNG qurğuları vasitəsilə ixracı imkanları və Misirlə Yunanıstan arasında elektrik enerjisi bağlantısı mövzularını müzakirə ediblər.
Sammitdən qabaq baş tutan Yunanıstan və Misir liderlərinin ikitərəfli görüşündə isə Şərqi Aralıq Dənizi Qaz Forumu çərçivəsində əməkdaşlığın möhkəmləndirilməsinin zəruriliyi vurğulanıb.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
