QAN VƏ QAN KOMPONENTLƏRİNİN DONORLUĞU HAQQINDA YENİ QANUN LAYİHƏSİ HAZIRLANMIŞDIR
AZƏRTAC-ın müxbiri xəbər verir ki, iclasda “Qan və qan komponentlərinin donorluğu haqqında” qanun layihəsi müzakirə olunmuşdur. Komissiyanın sədri Hadi Rəcəbli demişdir ki, Azərbaycanda qan və onun komponentləri ilə bağlı qanun vardır. Amma ölkəmiz Avropa Şurasının üzvü kimi Avropada vahid qan bankının yaradılması işində iştirak etməlidir. Bunun üçün isə Avropa standartlarına cavab verən qanun olmalıdır. Ona görə də işçi qrupu yeni layihə hazırlamışdır. Müzakirəyə təqdim olunmuş layihə qan və qan komponentlərinin donorluğunun inkişafı ilə əlaqədar münasibətləri tənzimləməklə yanaşı, qan xidmətinin təşkilinin əsaslarını müəyyən edəcəkdir.
İclasda iştirak edən Milli Məclis sədrinin müavini Gövhər Baxşəliyeva və avropalı ekspertlər layihə ilə bağlı öz tövsiyələrini vermişlər.
Sonda layihənin parlamentin müzakirəsinə çıxarılması haqqında qərar qəbul olunmuşdur.
Bölmənin digər xəbərləri
