“Qarabağ”ın legioneri: Hava şəraiti və süni örtük bizə çətinlik yarada bilər
Norveç, 29 noyabr, AZƏRTAC
Bizi çətin rəqibə qarşı gərgin oyun gözləyir. “Molde”nin necə komanda olduğunu bilirik. Hava şəraiti və süni örtük bizə çətinlik yarada bilər.
AZƏRTAC-ın Norveçə ezam olunmuş müxbiri xəbər verir ki, bu sözləri “Qarabağ”ın futbolçusu Marko Veşoviç UEFA Avropa Liqasının qrup mərhələsində Norveçdə “Molde”yə qarşı keçirəcəkləri oyunla bağlı mətbuat konfransında deyib.
Monteneqrolu sağ cinah müdafiəçisi ağır zədədən sonra özünü əla hiss etdiyini bildirərək deyib: “Motivasiyam yüksəkdir, əla formadayam. Hər zaman əlimdən gələnin ən yaxşısını etməyə hazıram”.
Noyabrın 30-da keçiriləcək qarşılaşma Bakı vaxtı ilə saat 00:00-da başlayacaq.
Bölmənin digər xəbərləri
