Qax rayonunun Sarıbaş kəndində qar örtüyünün hündürlüyü 74 sm-ə çatıb
Bakı, 28 yanvar, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi yanvarın 27-si gün ərzində 28-i səhərədək ölkə ərazisində hava şəraiti yağıntılı keçib, qar yağıb, Böyük Qafqazın bəzi ərazilərində intensiv olub.
Departamentdən AZƏRTAC-a verilən məlumata görə, düşən yağıntının miqdarı Bakıda və Abşeron yarımadasında 1-6, Böyük Qafqazda 2-24, Kiçik Qafqazda 8-14, Naxçıvan MR-də 3-6, Lənkəran-Astara zonasında 1-12, Mərkəzi-Aran rayonlarında 1-10, Qazax-Gəncə zonasında 1-5 mm olub.
Qar örtüyünün hündürlüyü Sarıbaşda 74, Ağdərədə 68, Şəkidə 30, Şahbuzda 27, Gədəbəydə 22, Daşkəsən, Qəbələ, Oğuz, İsmayıllıda 20, Şərurda 19, Zaqatala, Xaltanda 14, Altıağac, Göygöldə 10, Balakəndə 9, Qusarda 8, Naxçıvan, Rvarudda 7, Bərdə, Tərtərdə 6, Gəncə, Quba, Göyçayda 5, Beyləqan, Şamaxı, Lerik, Ordubadda 4, Bakı, Şəmkir, Gəncə AVİA, Şahdağ, Ağsu, Yardımlıda 3, Göytəpə, Tovuzda 2, Ağstafa, Ağdam, Xaçmaz, Biləsuvar, İmişli, Yevlaxda 1, Qubanın dağlıq ərazilərində 3-21 sm-ə çatıb.
Bölmənin digər xəbərləri
