QAXDA ZONA FUTBOL YARIŞLARI KEÇİRİLMİŞDİR

10.04.2008 [21:16]
Çap et
A⁺ A^-

Aprelin 6-dan 10-dək Qax şəhər stadionunda yeniyetmələrin VI Respublika Oyunları çərçivəsində futbol üzrə zona mərhələsinin görüşləri keçirilmişdir. Yarışlarda Şəki-Zaqatala bölgəsi və ətraf rayonlar, habelə Gəncə şəhəri də daxil olmaqla, 1994-95-ci il təvəllüdlü yeniyetmələrdən təşkil olunmuş 12 komanda mübarizə aparmışdır.

Qax Rayon Gənclər və İdman İdarəsindən AZƏRTAC-ın müxbirinə bildirmişlər ki, zona mərhələsində ilk yerləri tutan Gəncə və Yevlax şəhərlərinin komandaları yarışların final mərhələsində iştirak etmək hüququ qazanmışlar. Qax komandası isə Ağdaşda keçirilən zona yarışlarında uğurla çıxış edərək, final mərhələsinə vəsiqə əldə etmişdir.

Respublika Oyunlarına daxil olan futbol yarışlarının final mərhələsi mayın ikinci yarısında Qax şəhərində keçiriləcəkdir.