“QAYO” şirkəti “Qardaş köməyi” platformasına qoşulub
Bakı, 3 mart, AZƏRTAC
"QAYO" şirkəti TÜİB (Türkiyə-Azərbaycan İş Adamları və İstehsalçılarının İctimai Birliyi) üzvü olaraq, “Qardaş Köməyi” platformasına qoşulub, Türkiyənin yaşadığı bu ağır günlərdə onlara dəstək verir.
Fevralın 18-də "QAYO" şirkəti təbii fəlakət nəticəsində zərər çəkən 10 milyondan çox insanın tələbatının bir qisminin qarşılanması üçün qida, yataq, yorğan, yastıq, kişi, qadın və uşaqlar üçün isti geyimlər, bundan başqa generatorlar, qızdırıcılar və çadırlarla dolu humanitar yardımdan ibarət iki TIR zəlzələdən zərər çəkən Adıyaman şəhərinə yola salıb. Humanitar yardım Adıyaman şəhərində Adıyaman gənclik mərkəzinə təhvil veriləcək.
“Qardaş Türkiyədə həyatını itirənlərə Allahdan rəhmət, qalanlara isə sağlıq arzulayırıq”, - deyə şirkətin yaydığı açıqlamada bildirilib.
Bölmənin digər xəbərləri
