Qazaxıstan Çinin sərmayəsi ilə nəhəng misəritmə zavodu tikəcək
Bakı, 3 iyun, AZƏRTAC
Qazaxıstanın Baş naziri Oljas Bektenov Çinin “Nonferrous Metal Mining Co. Ltd” şirkətinin idarə heyətinin sədri Si Jenqpinq ilə mis sənayesi sahəsində əməkdaşlıq məsələlərini müzakirə edib. AZƏRTAC “Kazinform” agentliyinə istinadla xəbər verir ki, tərəflər Abay rayonunun Aktoqay kəndi yaxınlığında gücü ildə 300 min ton olacaq misəritmə zavodunun tikintisinə dair saziş imzalayıblar.
Sazişə görə, dünyanın ən böyük mis mədənlərindən birini və müasir misəritmə istehsalını birləşdirəcək klaster yaradılacaq. Həmçinin dəyəri 1,5 milyard ABŞ dolları olan layihə 1000-dən çox iş yerinin açılmasına imkan verəcək. Zavodun 2028-ci ilin sonunadək istifadəyə veriləcəyi, onun xammal bazasının isə Bozşakol və Aktoqay mədən və emalı zavodları, habelə “Vostoktsvetmet” MMC-nin konsentrasiya müəssisəsi olacağı bildirilir.
Misəritmə zavodu ölkənin ən böyük müəssisəsinə çevriləcək və qlobal ekoloji standartlara cavab verəcək. O, həmçinin Qazaxıstanın fin xammalına və katod misinə olan tələbatını ödəyəcək. Katod misi elektrik enerjisi sənayesində, maşınqayırma və sənaye sektorlarında geniş istifadə olunur. Bundan əlavə, müəssisədə təmizlənmiş qızıl, gümüş və daldırma turşusu istehsal ediləcək.
“China Nonferrous Metal Industry’s Foreign Engineering” and “Construction Company Ltd” (“Non Ferrous China”) Çinin əlvan metalların hasilatı, seçilməsi və əridilməsi ilə məşğul olan şirkətidir və 20-dən çox ölkədə fəaliyyət göstərir.
Bölmənin digər xəbərləri
