Qazaxıstan kosmik tədqiqatlarda iştirak etmək niyyətindədir
Astana, 31 iyul, AZƏRTAC
Qazaxıstanın Rəqəmsal İnkişaf, İnnovasiyalar və Aerokosmik Sənaye Nazirliyi kosmosun öyrənilməsi sahəsində planlarını açıqlayıb.
AZƏRTAC Qazaxıstan KİV-lərinə istinadən xəbər verir ki, nazirliyin bəyanatına əsasən, Qazaxıstan təkcə Ay layihələrində iştirak etmək deyil, həm də digər kosmik obyektləri fəal şəkildə tədqiq etmək niyyətindədir.
Qazaxıstanın əsas töhfəsi yerli Ay ətrafı teleskopun hazırlanması və buraxılmasından ibarət olacaq.
“Aydakı layihələrə əlavə olaraq, Qazaxıstan müxtəlif beynəlxalq layihələr çərçivəsində asteroidlərin və ümumiyyətlə kosmik fəzanın tədqiqində fəal iştirak edir. Biz bu iddialı məqsədləri həyata keçirmək üçün yeni texnologiyalar inkişaf etdirməyə və beynəlxalq tərəfdaşlarla əməkdaşlıq etməyə çalışırıq”, - deyə nazirlik qeyd edib.
Xüsusi diqqət Çinlə əməkdaşlığa yönəldilib. Qazaxıstan və Çin alimləri arasında təcrübə və bilik mübadiləsi, həmçinin Qazaxıstan mütəxəssislərinin Çinin istehsal sahələrində təlim və təcrübə keçməsi gözlənilir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
