QAZAXISTAN PREZİDENTİNİN ÇİNİN MUXTAR RAYONUNA SƏFƏRİ BAŞA ÇATMIŞDIR
Van Letsyuan Qazaxıstandan muxtar rayona taxıl və elektrik enerjisi göndərilməsi, sərhədyanı çaylardan səmərəli istifadə olunması məsələsini qaldırmışdır.
N.Nazarbayev bildirmişdir ki, SUMR-ə neft və qaz kəmərlərinin, o cümlədən dəmir yol xəttinin çəkilməsi günün əsas tələbidir və bu layihələrin reallaşması üçün Qazaxıstan tərəfi lazım olan bütün tədbirləri görəcəkdir.
Görüşdə beynəlxalq əməkdaşlıq mərkəzinin yaradılması haqqında saziş imzalamışlar. Sənədə görə, iki ölkənin sərhəd “Xorqos” gömrük məntəqəsinə azad iqtisadi zona statusu verilir.
Ötən ildən Çin tərəfdə 100 hektar sahədə azad iqtisadi zonanın infrastrukturu yaradılır. Prezident Nazarbayev burada olmuş, yeni tikilən terminala və dəri istehsalı fabrikinə baxmışdır. İndi bu ərazidə 10 müəssisə işləyir. Ümumiyyətlə, azad iqtisadi zonada 200 müəssisə fəaliyyət göstərəcəkdir.
Bölmənin digər xəbərləri
