QAZAXISTAN RUSİYADAN 20 ƏDƏD Mİ-17 VERTOLYOTU ALACAQ
Şimali Osetiyanın Beslan şəhərindəki faciəli hadisələrlə bağlı Təhlükəsizlik Şurasının sentyabrın 6-da keçirilən növbədənkənar iclasından sonra bu, respublika hökumətinin atdığı ilk addımdır.
Qazaxıstan Prezidenti Nursultan Nazarbayev terrorçuların fəaliyyətinin qarşısının alınması üçün hər cür tədbirlər görülməsi, ölkənin hərbi qüvvələrinin gücləndirilməsi ilə bağlı göstəriş vermişdir.
İclasda dövlət sərhədinin qorunması sistemində yeni texnologiyalardan istifadə olunması məsələsi də müzakirə edilmişdir.
Qazaxıstanın baş naziri ilə Kazan vertolyot zavodunun nümayəndəsinin görüşündə bu ilin axırınadək Qazaxıstanın güc qurumları üçün 4 yeni Mİ-17 döyüş vertolyotunun alınması haqqında razılıq əldə olunmuşdur.
