QAZAXISTAN XƏZƏR DƏNİZİNDƏ NEFTİN DAŞINMASI ÜÇÜN TANKER DONANMASI YARADIR
AZƏRTAC xarici informasiya agentliklərinə istinadla xəbər verir ki, Qazaxıstan Xəzər dənizində neft daşımaq üçün subasımı 60 min tondan çox olan tankerlərdən ibarət donanma yaradır. Bunu Qazaxıstan energetika və mineral ehtiyatlar naziri Vladimir Şkolnik Almatıda bildirmişdir. Onun sözlərinə görə, bu, Qazaxıstana neft daşınmasında 1 milyard dollaradək qənaət etməyə imkan verəcəkdir.
Artıq iki tanker suya salınmışdır. V.Şkolnik bildirmişdir ki, hökumət müvafiq infrastrukturun yaradılması üzərində işləyir. Xəzər sahilindəki Kurık limanının inkişaf konsepsiyası artıq bəyənilmişdir.
Qazaxıstanın Xəzər dənizində yeganə limanı Aktaudur. Bu liman hər il gəmilərlə 8 milyon tonadək neft və 1,5 milyon ton digər yüklər yola salmağa imkan verir.
Bölmənin digər xəbərləri
