Qazaxıstanda koronavirusla mübarizə aparanlar medalla təltif ediləcək
Nur-Sultan, 20 may, AZƏRTAC
Qazaxıstanda yeni növ koronavirus (COVID-19) infeksiyası ilə mübarizədə xüsusi fərqlənənlər üçün “Xalıq alğısı” medalı təsis olunacaq. Medal Qazaxıstan Prezidenti tərəfindən təqdim ediləcək.
AZƏRTAC xəbər verir ki, medala layiq görülənlərin təqdimatı ölkə başçısı, ali dövlət orqanlarının və ictimai birliklərin nümayəndələri tərəfindən verilə bilər.
Qeyd edək ki, son bir sutka ərzində Qazaxıstanda 57 nəfər COVID-19-dan sağalıb. Ölkə üzrə koronavirusa yoluxanların sayı 6751, bu xəstəlikdən sağalanların sayı isə 3598 nəfərə çatıb, 35 nəfər həyatını itirib.
Hazırda ölkədə üç mindən çox insan stasionar karantindədir, altı mindən çox adam isə ev karantinindədir.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
