QAZAXISTANDA ORTA ƏSRLƏRƏ AİD ƏN İRİ ŞƏHƏR AŞKAR EDİLMİŞDİR

26.07.2004 [19:36]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, arxeoloqlar Manqışlaq yarımadasında X-XIII əsrlərə aid şəhər-qala aşkar etmişlər. İlkin qazıntılar göstərmişdir ki, bu, indiki Qazaxıstan ərazisində o dövrün ən iri yaşayış məskənidir. Tədqiqatçıların fikrincə, müasir Aktaunun 180 kilometrliyində yerləşən bu qala Xarəzm xaqanlığının tərkibində idi və Böyük İpək yolunun qərb istiqamətində ticarət karvanlarını köçərilərin basqınlarından qoruyurdu. Qalanın sahəsi 10 min kvadratmetrdən, bütövlükdə şəhərin sahəsi isə 20 hektardan çoxdur.

Bu orta əsr şəhərində sənətkar məhəllələri, minarəli məscid, hökmdarın evi və karvansara vardı. Mangistaus Tarix-Mədəniyyət Muzey--Qoruğunun arxeoloqu Andrey Astafyevin fikrincə, şəhəri dövrəyə alan yeddi metr hündürlüyündə daş divarlar tamamilə alınmaz idi. O dövrün köçərilərinin bu divarlara həmlə etmək üçün heç bir imkanı yox idi. Alimin dediyinə görə, Qazaxıstanda buradakı kimi çox yaxşı qalmış belə qədim tikililər yoxdur.

QAZAXISTANDA ORTA ƏSRLƏRƏ AİD ƏN İRİ ŞƏHƏR AŞKAR EDİLMİŞDİR

MÜƏLLİFLƏ ƏLAQƏ

Bölmənin digər xəbərləri