Qazaxıstanda şaxtanın çökməsi ilə bağlı xüsusi komissiya yaradılıb
Astana, 18 fevral, AZƏRTAC
Qazaxıstanın Ulıtau vilayətinin Janaarka rayonunda "Jomart" mədənindəki şaxtanın çökməsi səbəblərinin araşdırılması və mümkün zərərçəkənlərə yardım göstərilməsi üçün xüsusi komissiya yaradılıb.
AZƏRTAC Qazaxıstan hökumətinin mətbuat xidmətinə istinadən xəbər verir ki, komissiyaya Baş nazirin müavini Kanat Bozumbayev rəhbərlik edir.
Baş nazirin müavininə dövlət qurumlarının və təşkilatların fəaliyyətini əlaqələndirmək üçün dərhal hadisə yerinə getmək tapşırılıb.
Xatırladaq ki, "Jomart" mədənindəki şaxtada dağ süxurlarının çökməsi baş verib. Dağıntılar altında mədənin 7 işçisi qalıb. Hazırda xilasetmə bölmələri ərazidə qəza-xilasetmə işləri aparır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
