Qəbələ rayonunun Əmirvan–Vəndam avtomobil yolunun tikintisinə 13,1 milyon manat ayrılıb – Sərəncam
Bakı, 22 iyul, AZƏRTAC
Qəbələ rayonunun Əmirvan-Vəndam avtomobil yolunun tikintisinə 13,1 milyon manat ayrılıb.
AZƏRTAC xəbər verir ki, Prezident İlham Əliyev “Qəbələ rayonunun Əmirvan-Vəndam avtomobil yolunun tikintisi ilə bağlı tədbirlər haqqında” Sərəncam imzalayıb.
Sərəncama əsasən, 14 min nəfər əhalinin yaşadığı 5 yaşayış məntəqəsini birləşdirən Əmirvan-Vəndam avtomobil yolunun tikintisi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə avtomobil yollarının tikintisi və yenidən qurulması üçün göstərilmiş vəsaitin 13,1 milyon manatı Azərbaycan Avtomobil Yolları Dövlət Agentliyinə ayrılıb.
Bölmənin digər xəbərləri
