Qəbələli gənclər Zəfər Gününə həsr olunmuş intellektual yarışda biliklərini sınayıblar
Qəbələ, 6 noyabr, Mustafa Dadaşov, AZƏRTAC
Gənclərin İnkişaf və Karyera Mərkəzinin Qəbələ nümayəndəliyi və Qəbələ regional “ASAN xidmət” mərkəzi 8 Noyabr - Zəfər Günü münasibətilə rayon gənclərinə yeni layihə təqdim edib.
Nümayəndəliyin rəhbəri Teymur Alşanov AZƏRTAC-ın bölgə müxbirinə bildirib ki, layihə çərçivəsində gənclər Zəfər Gününə həsr olunmuş “Nə? Harada? Nə zaman?” formatında keçirilən intellektual yarışda biliklərini sınayıblar. Yarışda üç komanda - “Şuşa”, “8 noyabr” və “Xarıbülbül” komandaları iştirak edib. Vətən müharibəsində qazanılan tarixi Qələbənin şərəfinə iştirakçılara 44 sual təqdim edilib. Yekun nəticəyə əsasən, “Xarıbülbül” komandası yarışın qalibi olub.
Qalib komandaya diplom və hədiyyələr təqdim edilib.
Bölmənin digər xəbərləri
