Qəzza sektorunda humanitar atəşkəs iki gün uzadıla bilər
Bakı, 28 noyabr, AZƏRTAC
HƏMAS hərəkatı Qəzza sektorunda humanitar atəşkəsin daha iki gün müddətinə uzadıla biləcəyini deyib.
AZƏRTAC xəbər verir ki, müvafiq bəyanat hərəkatın sosial media hesabında yerləşdirilib.
Məlumata görə, İsrail həbsxanalarında saxlanılan 50 fələstinli qadının adı azad ediləcək məhbusların siyahısına əlavə olunub. Siyahı yaxın saatlarda təsdiqlənəcək və humanitar atəşkəsə dair razılaşma daha iki gün uzadılacaq.
Xatırladaq ki, Qətərin vasitəçiliyi ilə əldə edilən dörd günlük atəşkəs çərçivəsində İsrail və HƏMAS arasında əsir mübadiləsi aparılıb. İsrail azad ediləcək hər 10 girova görə atəşkəs rejimini daha bir gün uzatmağa hazır olduğunu bildirib.
Bölmənin digər xəbərləri
