Qırğızıstan-Tacikistan sərhədində baş verən insidentdə ölənlərin sayı artır
Bişkek, 3 aprel, AZƏRTAC
Qırğızıstan-Tacikistan sərhədində baş verən insidentdə ölənlərin sayı 35, yaralananların isə 183 nəfərə çatıb.
AZƏRTAC xəbər verir ki, bunu jurnalistlərə açıqlamasında Qırğızıstanın səhiyyə nazirinin müavini Aliza Soltonbekova bildirib.
O deyib ki, münaqişə zonasından 44 min 651 nəfər təhlükəsiz yerlərə köçürülüb, onların 27 min 136-sı uşaqdır.
A.Soltonbekova qeyd edib ki, onlar ərzaq və dərmanla təmin olunurlar.
Onun sözlərinə görə, münaqişə zonasındakı kəndlərdə 78 ev yararsız hala düşüb, onlardan 30-u, həmçinin 2 məktəb, 1 uşaq bağçası, daxili qoşunların bir binası, “Dostuk” sərhəd postu yandırılıb.
Hazırda ziyan dəymiş ev və obyektlərin bərpası istiqamətində işlər aparılır.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
