QIRĞIZISTANDA TORPAQ SÜRÜŞMƏSİNDƏN BEŞ UŞAQ HƏLAK OLMUŞDUR
AZƏRTAC-ın müxbiri xəbər verir ki, aprelin 18-dən başlayaraq Qırğızıstanın bütün ərazisində leysan yağışları və dağlarda güclü qar yağır. Havanın hərarəti kəskin şəkildə aşağı düşmüşdür. Oş vilayətinin Qarasuy rayonunda məktəbə gedən beş uşaq yer sürüşməsi nəticəsində torpaq altında qalaraq həlak olmuşdur.
Mütəxəssislərin bildirdiyinə görə, uşaqların cəsədi 10-15 metr dərinlikdə ola bilər.
Hadisə yerinə Qırğızıstanın ekologiya və fövqəladə hallar naziri Temirbek Akmataliyev, həmçinin qəza-xilasetmə batalyonu gəlmişdir.
Qırğızıstan Prezidenti Əsgər Akayev uşaqların valideynlərinə və qohumlarına başsağlığı vermişdir.
Bölmənin digər xəbərləri
