Qolan Təpələrində Qazaxıstan sülhməramlıları: vəziyyət gərgin, lakin sabitdir
Astana, 9 dekabr, AZƏRTAC
Qazaxıstan sülhməramlılarının xidmət etdiyi Qolan Təpələrindəki (UNDOF) BMT missiyasının məsuliyyət zonasında vəziyyət gərgin olsa da, sabit kimi qiymətləndirilir.
AZƏRTAC Qazaxıstan Müdafiə Nazirliyinin mətbuat xidmətinə istinadla xəbər verir ki, missiyanın şəxsi heyəti funksiyaları mandata uyğun olaraq yerinə yetirir.
“BMT-nin Müşahidəçi Qüvvəsinin səlahiyyətli rəsmiləri həm Suriya, həm də İsrail tərəflərinin nümayəndələri ilə daimi əlaqə saxlayırlar. Sülhməramlıların təhlükəsizliyini təmin etmək üçün lazımi tədbirlər görülür”, - deyə məlumatda bildirilir.
Qeyd olunur ki, Qazaxıstan Müdafiə Nazirliyi vəziyyətin inkişafını izləyir və Qolan təpələrində yerləşən Qazaxıstan hərbi qulluqçuları ilə daimi əlaqə saxlayır. Ehtiyac yaranarsa, missiya komandanlığının təklifi ilə missiyanın təxliyəsi məsələsinə BMT rəhbərliyi tərəfindən baxılacaq.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
