Qreys Çikumo Mtonqo: Şəhərlər daha dayanıqlı və inklüziv olmalıdır
Bakı, 18 may, AZƏRTAC
WUF13 müxtəlif ölkələrin hökumət nümayəndələrini, akademik dairələri, siyasətçiləri, o cümlədən vətəndaşların bir araya gələrək qlobal mənzil böhranı ilə bağlı çətinliklərin və həll yollarının müzakirəsi və yeni ideyaların bölüşməsi üçün gözəl platformadır.
Bu sözləri AZƏRTAC-a açıqlamasında BMT-nin Ümumdünya Şəhərsalma Forumunun 13-cü Sessiyasında (WUF13) iştirak edən UN-Habitat Beynəlxalq Koalisiyasının Prezidenti Qreys Çikumo Mtonqo deyib.
O bildirib ki, mənzil böhranından danışdıqda dayanıqlı və əlçatan mənzil təminatı məsələləri ortaya çıxır.
“Hazırda biz dünya ölkələrinin müharibə, iqlim dəyişmələri və iqtisadi qeyri-bərabərlik kimi çağırışlarla üzləşdiyi bir dönəmdə yaşayırıq. Beləliklə, WUF13 forumunda bir çox sahələr kəsişir. Bu isə iştirakçılara şəhərlərimizin necə qurulması sistemini yenidən nəzərdən keçirməsi və şəhərlərimizin daha inklüziv və daha dayanıqlı olması ilə bağlı müzakirələr aparmağa şərait yaradır”, - deyə o əlavə edib.
Bölmənin digər xəbərləri
