Qurban Qurbanov: Oyunun nizam-intizamından razı qaldım
Bakı, 8 sentyabr, Nicat Məmmədov, AZƏRTAC
Ağır oyun oldu. Əslində, bunu gözləyirdik. Rəqibin fərdi oyun keyfiyyətləri ilə seçilən futbolçuları vardı. Birinci hissə çətin oldu. Hər iki komandanın ehtiyatlı oynadığı hiss olunurdu. Ancaq ikinci hissə fərqli keçdi və futbolçularımız daha məsuliyyətli idilər. Oyunun nizam-intizamından razı qaldım.
AZƏRTAC xəbər verir ki, bu sözləri futbol üzrə Azərbaycan milli komandasının baş məşqçisi Qurban Qurbanov UEFA Millətlər Liqasının birinci turunda Kosovo milisinə qarşı keçirilən oyundan sonra keçirilən mətbuat konfransında deyib.
Baş məşqçi, həmçinin komandanın daxilindəki müəyyən problemlərdən də danışaraq dedi: “Heyətlə bağlı səhv etdiyimi düşünmürəm. Hazır olan futbolçulara şans verdim. Bəzi problemlər var ki, onları aradan qaldırmalıyıq. Xüsusilə də futbolçular oyun təcrübəsini artırmalı, daha yaxşı çempionatlarda çıxış etməlidirlər. Üç gündən sonra bizi səfərdə növbəti oyun gözləyir. Həmin qarşılaşmaya hazır olmaq üçün maksimum çalışmalıyıq”.
Bölmənin digər xəbərləri
