“QUŞ QRİPİ” TƏHLÜKƏSİ İLƏ ƏLAQƏDAR KOMİSSİYA YARADILMIŞDIR
AZƏRTAC xəbər verir ki, Ağdaş Rayon İcra Hakimiyyətində “quş qripi” təhlükəsi ilə əlaqədar profilaktik və əks-epidemik tədbirləri gücləndirmək məqsədi ilə xüsusi komissiya yaradılmışdır. Komissiya fəaliyyətində Dövlət Baytarlıq Xidmətinin göstəriş və tövsiyələrini rəhbər tutur. Rayon baytarlıq idarəsi və 13 ərazi baytarlıq sahəsi gücləndirilmiş iş rejiminə keçirilmişdir. Hər yerdə əhali arasında maarifləndirmə işləri aparılır. Quş ovuna, bazarda ov və ev quşlarının satışına qadağa qoyulmuşdur. Mağazalarda mənşəyi məlum olmayan quş ətinin satılmasının qarşısını almaq üçün müntəzəm reydlər keçirilir.
