QUSARDA İDMANIN İNKİŞAFINA KÖMƏK GÖSTƏRİLƏCƏKDİR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, Sosial İnkişaf İdarəsinin nəzdində fəaliyyət göstərən “Neftçi” idman sağlamlıq mərkəzinin nümayəndələri Qusar rayonunda olmuşlar. Səfərdən məqsəd rayonda idmanın inkişafına kömək göstərməkdir. Qonaqlar rayon icra hakimiyyətinin, şəhər və kənd bələdiyyələrinin nümayəndələri, gənclər və idman idarəsinin rəhbərliyi ilə görüşlər keçirmiş, idmançılar və məşqçi-müəllimlərlə söhbətlər aparmış, həm Qusar şəhərində, həm də kəndlərdə idmanın vəziyyətini müzakirə etmişlər. İdmançılara geyim və inventar verilmiş, köməyin bundan sonra da davam etdiriləcəyi bildirilmişdir.
Bölmənin digər xəbərləri
