“Real Madrid” Arda Güləri komandada saxlamaq istəyir
Bakı, 5 may, AZƏRTAC
İspaniyanın “Real Madrid” komandası futbolçusu Arda Güləri heyətində saxlamaq istəyir.
AZƏRTAC xəbər verir ki, bu barədə tanınmış insayder Nikolo Skira məlumat yayıb. Onun sözlərinə görə, Avropanın bir neçə aparıcı klubu 20 yaşlı yarımmüdafiəçiyə maraq göstərsə də, Madrid təmsilçisinin rəhbərliyi oyunçunu buraxmaq niyyətində deyil.
Türkiyə millisinin üzvü isə “Real Madrid”də az oynamaq şansı əldə etdiyi üçün narazıdır.
Qeyd edək ki, Arda Gülər bu mövsüm "kral klubu”nun heyətində bütün turnirlərdə 38 oyun keçirib, 5 qol vurub, 9 məhsuldar ötürmə ilə yadda qalıb.
Bölmənin digər xəbərləri
