REGİONAL İNKİŞAFIN SOSİAL-İQTİSADİ VƏ EKOCOĞRAFİ PROBLEMLƏRİ İLƏ BAĞLI KONFRANS KEÇİRİLİR
AZƏRTAC xəbər verir ki, Azərbaycan Milli Elmlər Akademiyasında (AMEA) “Azərbaycanda regional inkişafın sosial-iqtisadi və ekocoğrafi problemləri” mövzusunda ikigünlük elmi-praktik konfrans öz işinə başlamışdır. Tədbiri Azərbaycan Coğrafiya Cəmiyyəti (ACC) və AMEA-nın akademik H.Əliyev adına Coğrafiya İnstitutu təşkil etmişdir.
ACC-nin prezidenti, akademik Budaq Budaqov çıxış edərək, ölkəmizin Prezidenti İlham Əliyevin “Azərbaycan Respublikası regionlarının sosial-iqtisadi inkişafı Dövlət Proqramı”nın (2004-2008-ci illər) təsdiq edilməsi haqqında” Fərmanının əhəmiyyətindən, Fərmanla əlaqədar alimlərin qarşısında duran vəzifələrdən danışmışdır.
Sonra Milli Məclisin təbii ehtiyatlar, energetika və ekologiya məsələləri daimi komissiyasının sədri Asya Manafova və digər natiqlər məruzə ilə çıxış edərək, respublikamızda ətraf mühitin mühafizəsi ilə bağlı qəbul olunmuş qanunlar, ölkəmizin Xəzər dənizi sahillərinin sosial-iqtisadi problemləri, texniki yardım göstərilməsi üçün regionların seçilmə meyarı və metodologiyası və s. barədə geniş məlumat vermişlər.
Konfrans öz işini bölmə iclaslarında davam etdirmişdir.
Bölmənin digər xəbərləri
