ROBİNZON KRUZO ADASINDAN TAPILAN XƏZİNƏ ÇİLİ DÖVLƏTİ İLƏ “VAQNER TEXNOLOXİAS” ŞİRKƏTİ ARASINDA BÖLÜŞDÜRÜLƏCƏK
Yerli mətbuatın yazdığına görə, şirkətin nümayəndələri ilə Çili hökuməti arasında danışıqlar nəticəsində əldə olunan ilkin razılaşmaya görə, dövlət dəfinənin çıxarılması xərclərini öz üzərinə götürəcəkdir. “Vaqner Texnoloxias” isə dəniz quldurlarının gizlətdiyi 800 ton qızılın və cəvahiratın dəqiq yerini göstərməlidir. Tərəflər ümumi dəyəri 10 milyard dollar olan xəzinənin yarısının şirkətə verilməsi barədə də razılığa gəlmişlər.
Bununla da Cənubi Amerikanın ən böyük xəzinəsi ətrafında qızışan mübahisə həll olunmuşdur. Məsələ bundadır ki, Çilinin Mülki Məcəlləsinə görə, tapılan xəzinənin 50 faizi dövlətə, qalan yarısı isə onu tapana çatır. Lakin ingilis yazıçısı Daniel Defonun eyniadlı əsərinin qəhrəmanı şərəfinə Robinzon Kruzo adlandırılan ada Çili Milli Parkının bir hissəsidir. Abidələr haqqında qanuna görə bu ərazilərdəki arxeoloji və paleontoloji tapıntılar dövlətin mülkiyyəti sayılır. Öz payını xeyriyyə məqsədlərinə yönəltmək niyyətində olan “Vaqner Texnoloxias” şirkəti isə belə şərtlərlə razılaşmayaraq, xəzinənin basdırıldığı yeri göstərməyəcəyini bildirmişdir.
Hazırda adaya gələn turistlərin sayı həddən çox artmışdır.
Bölmənin digər xəbərləri
