RUS MƏTBUATININ V ÜMUMDÜNYA KONQRESİ İŞTİRAKÇILARININ ŞƏRƏFİNƏ QƏBUL
Azərbaycan Respublikasının Baş naziri İlham Əliyev və Rusiya Federasiyası Prezidentinin xanımı Lyudmila Putina qəbulda nitq söylədilər.
Ümumdünya Rus Mətbuatı Assosiasiyasının prezidenti, İTAR-TASS agentliyinin baş direktoru Vitali İqnatenko və başqaları Rus mətbuatının V Ümumdünya konqresinin iştirakçıları adından çıxış edərək, növbəti konqresin Bakıda çağırılması təşəbbüsünə görə Azərbaycan Prezidenti Heydər Əliyevə və forumun yüksək səviyyədə keçirilməsinə görə onun təşkilatçılarına dərin minnətdarlıqlarını bildirdilər.
Səmimilik və dostluq şəraitində keçən qəbul başa çatdıqdan sonra Azərbaycan incəsənət ustalarının konserti oldu.
Qəbulda Milli Məclisin sədri Murtuz Ələsgərov, Prezidentin İcra Aparatının rəhbəri Ramiz Mehdiyev, Rusiya Federasiyası hökuməti sədrinin müavini Qalina Karelova, Rusiya xarici işlər nazirinin birinci müavini Eleonora Mitrofanova, Azərbaycan parlamenti sədrinin və Baş nazirinin müavinləri, nazirlər, Milli Məclisin deputatları, xarici ölkələrin səfirləri, digər rəsmi şəxslər iştirak edirdilər.
Ətraflı hesabat qəzetin növbəti nömrəsində dərc olunacaqdır.
Bölmənin digər xəbərləri
