RUSİYA FEDERASİYASI MOSKVA VİLAYƏTİ HÖKUMƏTİNİN NÜMAYƏNDƏ HEYƏTİ BAKIYA SƏFƏRƏ GƏLMİŞDİR
Noyabrın 25-də Rusiya Federasiyası Moskva vilayətinin qubernatoru, vilayət hökumətinin sədri Boris Qromovun başçılığı ilə vilayət hökumətinin nümayəndə heyəti Bakıya gəlmişdir. Binə beynəlxalq hava limanında qonaqları Azərbaycan Respublikası baş nazirinin birinci müavini Abbas Abbasov, Rusiya Federasiyasının ölkəmizdəki fövqəladə və səlahiyyətli səfiri Nikolay Ryabov və digər rəsmi şəxslər qarşıladılar.
X X X
Elə həmin gün qubernator Boris Qromov və nümayəndə heyətinin üzvləri Şəhidlər xiyabanını ziyarət edərək, vətənimizin müstəqilliyi və ərazi bütövlüyü uğrunda canlarından keçmiş Azərbaycan oğul və qızlarının məzarları üzərinə gül, “Əbədi məşəl” abidəsinin önünə əklil qoydular. Boris Qromov Fəxri xiyabanın qonaqları kitabına ürək sözlərini yazdı.
Bölmənin digər xəbərləri
