RUSİYALI MƏŞQÇİLƏR BAKIYA GƏLMİŞLƏR

23.01.2004 [22:29]
Çap et
A⁺ A^-

Rusiyalı bədii gimnastika məşqçiləri İnna Bıstrova və Natalya Loşşinskaya Bakıya gəlmişlər. Onlar gimnast qızlarımız üçün qrup təmrinlərində iki çıxış nömrəsi hazırlayacaqlar. Respublika Gimnastika Federasiyasından AZƏRTAC-ın müxbirinə bildirmişlər ki, məşqçilər hər iki proqram üçün musiqi müşayiəti gətirmişlər.

Rusiyalı mütəxəssislər 9 idmançıya diqqət yetirəcəklər. Onlar Valeriya Yeqay, Yuliya Debkova (hər ikisi 1986-cı il təvəllüdlü), Vəfa Hüseynova (1988-ci il), Anastasiya Prosolova, Alina Trepina, Ülviyyə Eyvazova və Alesya Alyonina (hamısı 1989-cu il), Liya Kolesnikova və Esmira Məhəmmədovadır (hər ikisi 1990-cı il).

Azərbaycan Gimnastika Federasiyanın dəvəti ilə gəlmiş Rusiya mütəxəssisləri Bakıda 7 gün olacaqlar.