RUSİYANIN CƏNUBUNDA DAŞQIN
Rusiyanın Fövqəladə Hallar Nazirliyindən İTAR-TASS-ın müxbirinə bildirmişlər ki, ölkənin cənubunda baş vermiş daşqın nəticəsində həlak olanların sayı 53 nəfərə çatmışdır. Stavropol diyarında 31 nəfər, Qaraçay-Çərkəzdə 10 nəfər, Şimali Osetiyada 3 nəfər, Kabarda-Balkarda 1 nəfər həlak olmuşdur. Həlak olanların sayı daim dəqiqləşdirilir.
Fövqəladə Hallar Nazirliyinin məlumatına görə, Cənub federal dairəsinin 219 yaşayış məntəqəsində 2 mindən çox ev dağılmış, 3 mindən çoxu zədələnmiş, 35 mindən çox evi su basmışdır. 63 kilometr qaz kəməri, 214 avtomobil körpüsü, 731 kilometrdən çox avtomobıl yolu, 6 kilometr dəmir yolu xətti, 83 kilometrdən çox elektrik xətti, təxminən 8 min kilometr su kəməri zədələnmişdir. 88 yaşayış məntəqəsində elektrik xətləri qırılmışdır. Dəymiş zərərin məbləği müəyyənləşdirilir. Təkcə Stavropol diyarına 2 milyard rubldan çox zərər dəymişdir.
Çeçenistanda daşqının nəticələrinin aradan qaldırilmasında 13,5 min hərbçi, 585 hərbi avtomobil, 300 zirehli texnika iştirak edir.
Bölmənin digər xəbərləri
