“SAATLI” QURU YÜK GƏMİSİNİ LİLDƏN ÇIXARMAQ CƏHDLƏRİ DAVAM ETDİRİLİR
Xəzərin Mahaçqala sahillərində lilə oturan Azərbaycana məxsus “Saatlı” quru yük gəmisinin çıxarılması işi davam etdirilir.
Dövlət Xəzər Dəniz Gəmiçiliyindən AZƏRTAC-a verilən məlumata görə, yanvarın 29-da hava şəraiti pis olduğundan gəmi Mahaçqaladan təxminən 5 kilometr aralı lövbər salmışdır. Güclü külək gəmini sahilə tərəf qovmuş və nəticədə o, lilə oturmuşdur. Gəmi və heyət üzvləri xəsarət almamışlar. “Oqtay Vəliyev” yedək gəmisi köməyə göndərilsə də, gəmini xilas etmək mümkün olmamışdır.
Xatırladaq ki, gəminin saya oturduğu ərazidə lilin bərk olması və hava şəraitinin şıltaqlığı xilasetmə işlərinə mane olur. Bu səbəbdən “Narva” torpaqsoran gəmisi də köməyə göndərilmişdir.
