“SABAH” tələbəsi Tələbə Təqaüd Proqramının qalibi seçilib
Bakı, 19 dekabr, AZƏRTAC
Azərbaycan Dövlət İqtisad Universitetinin maliyyə ixtisası üzrə IV kurs “SABAH” tələbəsi İslam Tağıyev “AccessBank” Tələbə Təqaüd Proqramının qalibi seçilib.
Təhsil Nazirliyindən AZƏRTAC-a bildiriblər ki, Azərbaycanın ali təhsil müəssisələrindən 800-dən çox tələbənin müraciət etdiyi Tələbə Təqaüd Proqramı 4 mərhələdən ibarət olub. Birinci mərhələdə tələbələrin orta müvəffəqiyyət göstəriciləri və motivasiya məktubu əsas götürülüb. İkinci mərhələdə tələbələr məntiq üzrə imtahan veriblər. Esse müsabiqəsindən də uğurla keçən üçüncü mərhələnin qalibləri üçün finalda müsahibə təşkil olunub. Müsabiqənin yekununda 10 tələbə qalib seçilib.
Bölmənin digər xəbərləri
