SABİRABADDA YAZ ƏKİNİNƏ HAZIRLIQ GÖRÜLÜR
Sabirabad Rayon İcra Hakimiyyətindən AZƏRTAC-a bildirmişlər ki, 2007-ci ildə torpaq istifadəçiləri ilkin proqnozlara görə 22,3 min hektar sahədə yazlıq bitkilər əkməyi nəzərdə tutmuşlar. Rayonda 10 min hektar sahəyə çiyid səpiləcəkdir.
Ötən müddətdə mexaniki suvarma idarəsi 77 nasos stansiyasındakı 143 aqreqatdan 140-nı sazlamış, 36 kilometr uzunluqda kanalları lildən təmizləmiş, habelə 8 kilometr uzunluqda yeni kanal qazıb istifadəyə vermişdir. “Aqrolizinq” Açıq Səhmdar Cəmiyyətinin Güdəcühür ərazi nümayəndəliyində yaradılan “Aqrotexservis” filialına müxtəlif markalı kənd təsərrüfatı maşın və mexanizmləri alınaraq mövsümi işlərin icrasına yönəldilmişdir. Hüquqi və fiziki şəxslərin mülkiyyətindəki müxtəlif təyinatlı maşınların 80 faizi mövsümə tam hazırlanmışdır.
Bölmənin digər xəbərləri
