ŞAHDƏNİZ LAYİHƏSİNDƏ ƏSAS İŞLƏR BAŞA ÇATDIRILACAQDIR
bp-dən AZƏRTAC-a bildirmişlər ki, bu il Şahdəniz qaz və kondensat işlənməsi layihəsi üzrə tikinti işlərinə 865 milyon ABŞ dolları xərclənəcəkdir. Cari ildə Şahdəniz layihəsi üzrə sualtı boru kəmərlərinin inşasının başa çatdırılması, TPG500 platformasının dənizdə quraşdırılması və istismar sınaqlarının aparılması, Səngəçal terminalında Şahdəniz hissəsinin mexaniki işlərinin tamamlanması, Cənubi Qafqaz Boru Kəmərinin (CQBK) istismar sınaqlarına başlanması nəzərdə tutulmuşdur. Görüləcək əsas işlərə Türkiyə, Gürcüstan və ölkəmizin ərazisindəki qaz təhvili obyektlərinin birləşdirilmə işlərinin başa çatdırılması, CQBK-nin ilk qazın qəbuluna hazırlanması, eləcə də SDX-04 qiymətləndirmə quyusunun qazılması da daxildir.
2005-ci ildə layihə üzrə əsaslı xərclər 1,3 milyard dollar təşkil etmiş, indiyədək, bütövlükdə işlərin 88 faizi yerinə yetirilmişdir.
Şahdənizdən ilk qaz cari ilin sentyabrında dünya bazarına çatdırılacaqdır.
Bölmənin digər xəbərləri
