ŞAHMAT ÇEMPİONATININ QALİBLƏRİ MƏLUMDUR

12.01.2006 [21:16]
Çap et
A⁺ A^-

AZƏRTAC xəbər verir ki, Bakı şəhər Gənclər, İdman və Turizm Baş İdarəsinin təşkilatçılığı ilə 12 yaşınadək oğlan və qızlar arasında şahmat üzrə paytaxt birinciliyinə yekun vurulmuşdur.

Respublika Şahmat Mərkəzində təşkil olunmuş yarışı baş hakim Nurəli Məmmədzadənin rəhbərliyi ilə hakimlər briqadası idarə etmişdir. Birincilikdə 56 oğlan və 12 qız mükafatlar uğrunda mübarizə aparmışdır.

Qızlardan Nigar Novruzova, Fatimə Yusifova, Nərmin Xələfova, oğlanlardan isə Sənan Rəhimli, Zaur Məmmədov və Nemət Quliyev, müvafiq olaraq, 1-ci, 2-ci və 3-cü yer tutmuşlar. Mükafatçılar martda keçiriləcək ölkə birinciliyinə vəsiqə qazanmışlar.

Yanvarın 14-dən 20-dək isə 16 yaşınadək oğlan və qızlar arasında Bakı şəhər birinciliyi keçiriləcəkdir.

ŞAHMAT ÇEMPİONATININ QALİBLƏRİ MƏLUMDUR

MÜƏLLİFLƏ ƏLAQƏ

Bölmənin digər xəbərləri