Salyanda bu günə kimi 30 tondan çox yun istehsal olunub
Salyan, 13 iyun, Mahir Babayev, AZƏRTAC
Salyanın qoyunçuluq təsərrüfatlarında yun qırxımı davam edir.
Rayon statistika idarəsinin rəisi Elnur Hüseynov AZƏRTAC-ın bölgə müxbirinə bildirib ki, hazırda rayonun qoyunçuluq təsərrüfatlarında 185 min 325 baş qoyun-keçi bəslənilir. Bu da ötən ildəkindən çoxdur.
Xeyli vaxtdır ki, rayonun qoyunçuluq təsərrüfatlarında yun qırxımı aparılır. Fermerlər indiyədək bəslədikləri qoyunlardan, ümumilikdə, 30 ton 100 kiloqram yun götürüblər. Hər qoyundan orta hesabla 1,4 kiloqram yun qırxılır. Ötən il isə bu rəqəm 1,3 kiloqram olub.
Rayonda fəaliyyət göstərən “Hacıcamalxan” kəndli fermer təsərrüfatında nəticə daha yüksək olub. Qoyunçular bəslədikləri 1750 baş qoyunun hər birindən 1,5 kiloqram yun qırxmaqla, 1 ton 500 kiloqram yun götürüblər.
Yun qırxımı davam edir.
Bölmənin digər xəbərləri
