Samboçularımız İsraildən 14 medalla qayıdırlar
Bakı, 24 aprel, AZƏRTAC
Yeniyetmə və kadetlərdən ibarət sambo üzrə Azərbaycan millisi İsrailin Hayfa şəhərində keçirilən Avropa birinciliyində yeddi medal qazanıb.
AZƏRTAC Azərbaycan Sambo Federasiyasına istinadla xəbər verir ki, yeniyetmələr arasında Elsevər Verdiyev (64 kq) gümüş, Amin İsmayılov (53 kq) isə bürünc medala sahib olublar.
Kadetlərin mübarizəsində İsmayıl Əlipənahov (49 kq) yarışı ikinci, Toğrul Kərimli (53 kq), Nihad Rəhimov (58 kq), Kənan Məmmədli (71 kq) və Hüseyn Hüseynli (88 kq) üçüncü pillədə başa vurublar.
Hayfada keçirilən Avropa çempionatı və birinciliklərində çıxış edən kişilərdən, gənclərdən, yeniyetmələrdən və kaderlərdən ibarət yığma komandamız ümumilikdə 3 gümüş və 11 bürünc medal əldə edib.
Bölmənin digər xəbərləri
