Sədərək rayonunda elektrik enerjisinin verilişində fasilə yaranacaq
Naxçıvan, 7 may, AZƏRTAC
Mayın 8-də “Azərişıq” ASC-nin Naxçıvan Regional Enerji Təchizatı və Satışı İdarəsi (RETSİ) tərəfindən planlı təmir-bərpa işləri aparılacaq.
RETSİ-dən AZƏRTAC-ın bölgə müxbirinə bildirilib ki, bu məqsədlə 110/35/10 kV-luq Sədərək yarımstansiyasından qidalanan 35 kV-luq Sədərək hava xəttində elektrik naqillərinə toxunan ağac budaqları kəsiləcək. Aparılan budama işləri ilə əlaqədar Sədərək, Qaraağac kəndləri və Heydərabad qəsəbəsinin elektrik enerjisinin verilişi saat 13:00-dan 14:00-dək dayandırılacaq.
Qeyd edək ki, həyata keçirilən tədbirlər enerji təchizatı sistemlərinin gücləndirilməsi, etibarlılığın artırılması və texniki baxışların aparılması məqsədi daşıyır. Bu çərçivədə elektrik xətlərində və yarımstansiyalarda mərhələli təmir işləri aparılır.
Bölmənin digər xəbərləri
