Şəhidlərimizin adı xalqımızın yaddaşına əbədi həkk olunub
Bakı, 20 yanvar, Elvira Məmmədova, AZƏRTAC
Azərbaycan xalqının tarixinə qanla yazılmış 1990-cı ilin 20 Yanvar hadisələrindən 28 il ötür. Şəhidlərimizin adı Azərbaycan tarixinə qızıl hərflərlə yazılıb, xalqımızın yaddaşına əbədi həkk olunub. Şəhidlər xiyabanı bizim üçün müqəddəs and yerinə çevrilib. Mən də soydaşlarımız kimi hər il gəlib şəhidlərimizin məzarlarını ziyarət etməyi özümə borc bilirəm.
Bu sözləri Vətənin azadlığı və suverenliyi uğrunda canlarından keçmiş Azərbaycanın oğul və qızlarının əziz xatirəsini yad etmək üçün Şəhidlər xiyabanına gələn Bakı Mühəndislik Universitetinin müəllimi Zəminə Axundova AZƏRTAC-a müsahibəsində deyib.
O bildirib ki, 20 Yanvar Azərbaycanı müstəqilliyə aparan yolun başlanğıcı olub. Ölkədə milli azadlıq hərəkatını boğmaq məqsədilə sovet rəhbərliyi tərəfindən Bakıya yeridilən ordu dinc əhalini atəşə tutaraq, yüzlərlə insan şəhid olub və yaralanıb. Allah şəhidlərimizə rəhmət eləsin!
Bölmənin digər xəbərləri
